Kamote, mainam na pampababa ng kolesterol

Mahilig ba kayong kumain ng kamote? Nangangamba ba kayong kumain ng kamote dahil ito’y nakakautot?

Alam ba ninyo na bukod sa sustansyang taglay ng kamote ay mainam din itong pampababa ng kolesterol?

Sa ginawang pag-aaral ng Food and Nutrition Research Institute (DOST-FNRI), sa anim na lamang ugat tulad ng kamote, kamoteng kahoy, gabi, ube at tugi, ang kamote at kamoteng kahoy ay may mahalagang epekto sa total blood cholesterol levels.

Ang kamote ay isa sa malimit itanim dito sa Pilipinas dahil ito ay itinuturing na isa rin sa mga pagkain o staple food gaya ng kanin at tinapay.

Ang kamote ay mayaman sa carbohydrates at carotene katumbas ng Bitamina A depende sa kulay nito.

Ang dilaw na kamote ay mayaman sa carotene kumpara sa puti at lila na uri. Samantala ang puting uri ng kamote ay mas mayaman sa kalsyum kaysa sa dilaw na uri.

Mas mataas din ang taglay na iron at Bitamina C ng putting kamote kaysa dilaw na uri.

Ang lilang kamote ay may pinakamataas na taglay na bitamina kaysa sa dilaw at puti na uri.

Nasasaad sa Gabay para sa Wastong Nutrisyon ng mga Pilipino na kumain ng mas maraming gulay, prutas at lamang ugat.

Laging tandaan na ang kamote ay di lamang masustansya nguni’t mura din ito. At normal lang ang umotot!


LINK

naku masustansya talaga ang kamote.salamat sa info author.iba iba pala nutritional value ng kamote ayon sa kulay neto.
Now i know.dagdag kaalaman.

nice info isama mo na dyan ang talbos ng kamote para sa mga nag ddiet

thnak you sa info bihira lang ako kumain nyan kamote na violet ang gusto ko ayoko nung puti