Jinkee Pacquiao, tatakbong Sarangani vice gov

GENERAL SANTOS CITY - Sinorpresa ni Jinkee Pacquiao, misis ni 8-division world champion Manny Pacquiao ang publiko sa kanyang desisyon na pag-file ng certificate of candidacy (CoC) upang tumakbo bilang vice governor ng probinsya ng Sarangani.

Iniulat ng Bombo Radyo GenSan na pasado ala-1:00 ng hapon ngayong araw, nang pormal na inihain ni Jinkee ang kanyang CoC sa Comission on Election (Comelec) office sa Alabel, Sarangani.

Nabigla rin ang media at maraming residente sa lugar nang malaman na nagsumite ng kanyang CoC ang misis ni Pacman para sa 2013 elections.

Sa pahayag ni Mrs. Pacquiao, nagpaliwanag siya na ang kanyang desisyon na pagtakbo bilang bise gobernadora ay para may katuwang ang kanyang mister sa pagseserbisyo sa probinsya.

Habang ikinagagalak naman ni Pacman ang desisyon ng kanyang misis na magseserbisyo rin tulad niya sa kanilang nasasakupan.

Dagdag pa ng Pinoy ring icon, mismong si Sarangani Gov. Migs Dominguez umano ang nag-indorso sa kanyang misis para pumalaot na rin sa magulong mundo ng politika.

Inamin naman ni Manny na ang kanyang naunang napili bilang vice governor sana ng Sarangani ay hindi nagustuhan ng karamihan kaya ang kanyang misis na ang pinatakbo at inindorso.


LINK